Vokteren – sesong 2 spelt inn i Gloppen

No er sesong 2 av Vokteren på lufta på TV 2. Serien er spelt inn i Gloppen, Bremanger og Ørsta, og innspelingane har vore gjennomførte både for den norske TV 2-versjonen og ein eigen finsk versjon av programmet.

I serien blir deltakarane utfordra både fysisk og mentalt – og denne sesongen får dei verkeleg kjenne på naturkreftene. Den ville og storslåtte Gloppen-naturen dannar ramma for fleire av oppgåvene, med Eggenipa som eitt av dei sentrale turmåla.

Gloppen Næringsorganisasjon har vore ein del av prosjektet gjennom tilrettelegging og lokal koordinering, i tett samarbeid med Gloppen kommune.

Produksjonsteamet har hatt Nordfjord Folkehøgskule som base under heile innspelinga, noko som har gitt verdifulle ringverknader lokalt.

Prosjektet har òg fått støtte frå Sparebank 1 Sogn og Fjordane, som har bidrege til at produksjonane kunne gjennomførast på ein god måte.

At både norske og internasjonale TV-produksjonar vel Gloppen som arena, er eit sterkt kvalitetsstempel for regionen – og ei flott moglegheit til å vise fram naturen, kompetansen og vertskapsrolla vi har lokalt.

Årets deltakarar:

• Mona Grudt

• Snorre Klanderud

• Cengiz Al

• Christopher Robin Omdahl

• Simen Agdestein

• Mariann Thomassen

• Isak Dreyer

• Malene Elfrid Ingebrigtsen

• Yasmin Mehmood

• Kristine Thybo Hansen

• Vår Staude

• Alex Rosén

• Louise Angelica Riise

• Henrik Farley